Szkat
Siedzom se chłopy w trójka przi stole,
kożdy czerwony jest łod napiyncio,
łoczka błyszczące, bruzdy na czole,
bo może przijdzie tyn moment szczynścio.
Karty rozdane,wszystkim po równo,
zaroz rozpocznie się rajcowanie,
Jedyn przeciwko sobie dwóch mo,
bo tu zaczyno się w szkata granie.
Wszyscy co grajom kurzom se faja,
bo karta lubi podobno dym,
Drapko przi stole zbiyro się zgraja
kożdy się ciśnie, żyje tym.
Już zaczynajom lecieć ausdruki,
to gran to sznajder czy tyż nulower,
Na gymbach widać jakieś pomruki,
zaczyno być to wszystko nerwowe.
Jedyn co dostoł trzi dupki w zacu,
czekoł aż inni się wygodajom,
był to najlepszy szkaciorz na placu,
łon zawdy wiedzioł co inni majom.
Jak wyrajcowoł jakoś tam gra,
bardzo wysoko tam ni się zdo,
jedyn z rywali zaroz doł kontra,
niych mistrz pokoże jak to się gro.
Ale nasz majster łyknoł się piwo,
chwila pomyśloł i zawistowoł,
nawet przi kontrze wygroł o dziwo,
i cołko pula przi tym skasowoł.
Jest coś w tym szkacie, choćby z magnesu,
coś co prziciongo wiela Ślązoków,
bo szkat pozwolo wyzbyć się sztresów,
nawet jak stoisz i patrzysz z boku!.
DAREK_40